VECIÑOS - Na busca da convivencia

O traballado blog do Ventorrillo, A Silva, Cances, A Moura e Bens amosa a diario o seu enfoque no referente á controversia motivada pola situación dos habitantes do poboado chabolista de Penamoa. Xorden opinións de todas as clases (nunca mellor dito), e todas teñen cabida mentres o medo non chame á hipocresía e o temperamento non inflúa no debido respecto. Todos contactamos nalgún momento con persoas de etnia xitana (en Os Castros temos o caso de Casablanca, a igrexa evanxélica de Moas e, antingamente, a rúa Oleoducto entre O Castrillón e Eirís); polo tanto, podemos sacar conlcusións das propias experiencias, do mesmo xeito que debemos escoitar a opinión dos calés antes de responder a cuestións fundamentais:

¿Que hai de certo nos nosos prexuízos?

¿Que nos molesta da devandita etnia?

¿Deben os xitanos vivir en zonas concretas, adaptadas ás súas tradicións?

¿Están os xitanos dispostos a integrarse e adoptar costumes que os demais consideran básicas?
.
David Esgueva